LAOAG CITY – Agbirbiruk ti Philippine Health Insurance Corporation (PhilHealth) kadagiti wagas tapno makaipaay ti napinpintas a benepisyo para kadagiti middle-income workers a direkta nga agbaybayad ti kontribusyon da iti insurance fund.
Bigbigen ni Department of Health Secretary Teodoro Herbosa a dagiti agdama a programa ti Philippine Health Insurance Corporation ket nakatutuk laeng kadagiti sponsored members, dagiti saanna a kabaelan ti agbayad ken dagiti kontribusyon ket sakopen ti estado.
Inbatad na nga adda ti pammilin ni Presidente Ferdinand Marcos Jr. iti ahensya nga irebisar ken palawaen dagiti benepisyo para kadagiti direct contributors.
