LAOAG CITY – Inpakaamo ni Sangguniang Panlalwigan Member Medeldorf Gaoat iti Comittee on Laws iti publiko nga ti Department of Health ket mangipaay ti mobile care facility wenno mobile van ditoy probinsia babaen kenni Department of Health Secretary Ted Herbosa.
Napalaoas ti panagyamanna iti gobierno probinsial partikular kenni Gov. Mathew Marcos Manotoc kadagiti addang nga araramidenda maipanggep iti salun-at.
Inbunanagna a babaen ti addang iti agdama nga administrasion nga idadauloan ni Presidente Ferdinand Marcos Jr ket maaddaan ti probinsia iti nadakamat a kagamitan a makatulong kdagiti umili.
Kinunana a daytoy mobile van ket mabalin nga usaren no adda dagiti pagturungan ti gobierno probinsial iti adayo a lugar.
Innayonna a dakkel a banag daytoy apaman ta saanen kasapolan pay nga umadayo dagiti umili gapu ta daytoy mismo ti dumanon tapno mangipaay iti serbisio medical kas iti laboratories ken X-ray.
