LAOAG CITY – Nagyaman ni Mrs. Norma Lorenzo Fernando iti pannakadutuk na kas baro a mangidaulo iti Office of the Senior Citizens Affairs ditoy ciudad ti Laoag.
Kuna na a dakkel a pakaidayawan na iti panangpili kenkuana ni Mayor James Bryan Alcid a mangidaulo iti nasao nga opisina.
Inpasingked na nga aramiden na amin a kabaelan na tapno maipaay ti nasao nga opisina ti makapnek a serbisyo para kadagiti senior citizens ditoy ciudad ti Laoag.
Innayon na nga itultuloy na dagiti narugyan a trabaho ti sinaruno na nga administrasyon ti Offie of the senior Citizen ditoy ciudad.
Kabayatanna, inpakaammo ni Fernando nga isuna ket co-terminos ni Mayor Alcid.
