LAOAG CITY – Nagballaag ti Department of Health (DOH) iti publiko kontra kadagiti peke nga endorsement ti cancer treatment nga agus-usar ti nagan ti ahensia.
Iti maysa nga advisory, dinakamat ti Department of Health kas peke ti quote card ni Health Secretary Teodoro Herbosa a maipagarup a mangiyen-endorso ti produkto para kadagiti pasiente nga addaan ti cancer.
Nangipakita ti Department of Health ti ladawan ti maysa a produkto nga addaan ti label a “MediHope.”
Inpetteng ti Department of Health a saan nga aprobado wenno bigbigbigen ti ahensia ti nasao a produkto.
Nagtalinaed a neutral ti Department of Health ken awan ti pakainaiganna iti aniaman a commercial endorsements.
In-report metten ti ahensia ti social media page iti Department of Information and Communications Technology tapno malappedan daytoy.
Pagan-annaden ti Department of Health ti publiko kontra iti manangallilaw a marketing strategy babaen kadagiti peke a testimonia ken peke nga endorsement manipud kadagiti eksperto ken dagiti health claim.
