LAOAG CITY – Temporario nga inpasardeng ti Department of Health (DOH) ti amin a panaggatangda ti agas, diagnostic supplies, ken nagduduma pay a ramit para iti tubercolosis (TB) program para iti tawen 2026 iti babaen ti maysa a memorandum a pinirmaan ni Health Secretary Dr. Jose “Brix” Pujalte Jr.
Basar iti memorandum, maipadalan pay laeng iti due diligence ken kanayonan a panangtingiting dagiti procurement activity sakbay a maituloy daytoy.
Gagem ti National Tuberculosis Control Program ti DOH a masigurado a nasayaat, agtultuloy a pannakaagas, ken pananglapped ti pannakaiwaras ti sakit.
Segun dagiti eksperto, nasisita a saan a maputol ti suplay ti TB medicines tapno malappedan ti pannakaitantan ti panag-agas, panagwaras ti impeksion, ken panagado dagiti kaso ti drug resistant tubercolosis.
Maikatlo ti Pilipinas iti intero a lubong nga addaan iti kangatoan a bilang ti kaso ti TB, no sadinno nga umabot iti 500 a baro a kaso tunggal 100,000 a populasion ti nairekod idi 2024 basar iti World Health Organization (WHO).
