LAOAG CITY – Determinado ti Department of Justice (DOJ) a mangpapigsa iti kampania kontra iti human trafficking a mangbikbiktima kadagiti inosente a Pilipino.
Daytoy nga addang ti Department of Justice ket maigiddan iti pannakaisubli ti 13 a Filipino surrogate victims ditoy pagilyan manipud Cambodia.
Segun kenni Justice Undersecretary Nicolas Felix Ty, napigpigsa ti kampania ti Inter Agency Council Against Trafficking (IACAT) tapno matiliw dagiti sindikato.
Impalagip ti opisyal kadagiti Filipino nga agkalikagom nga agtrabaho iti ballasiw-taaw a kitaenda a naimbag no ania daguti maididiaya online sakbay nga agaplikar dagitoy.
Maipalagip a nakaawiden dagiti 13 a Pinoy surrogate mothers ditoy Pilipinas idi kalman kalpasan a naikkan iti pardon ti Royal Government of Cambodia.
