LAOAG CITY – Kinontra ti Department of Justice (DOJ) ti nagbalin a rakurak ni dati a Presidente Rodrigo Duterte a ngimmato ti krimen kalpasan ti terminona.
Basar iti Department of Justice a ti nasao a rakurak ti dati a Presidente ket maisupadi kadagiti komprohensibo a datos manipud iti Philippine National Police (PNP).
No maidasig manipud iti Hulio 1, 2022 agingga idi Enero 31, 2024 ket addaan ti 324,368 a kaso wenno nababbaba ti 10.66 percent a nairekord manipud idi Disiembre 1, 2020 agingga idi Hunio 30, 2022.
Sumagmamano kadagiti krimen a bimmaba ket ti rape, physical injury, robbery, murder, carnapping ken homicide.
Maipalagip nga inrakurak ni Duterte idi naimbitaran isuna iti Senado a ngimmato ti krimen kalpasan ti terminona.
