LAOAG CITY – Inlawlawag ni Mr. Justin Paul Marbella, ti Regional Information Officer iti DOLE Region 1 nga amin nga empleado ket kwalipikado a makaawat ti 13th month pay.
Daytoy ket iti laksid ti estado ti employment na iti nasao a kompanya.
Segun kenni Marbella, dagiti empleado a naka-render iti nasurok makabulan wenno 30 a nga aldaw a panagtrabaho ket makaawaten ti 13th month pay.
Mainaig iti daytoy, kunana nga iti napalabas a tawen, amin met pasdek negosyo ditoy Rehiyon Uno ket inpaay da ti 13th month pay dagiti empleado.
Kabayatanna, kuna ni Marbella a ti naudi a resulta ti Labor Inspection Rate ket 87 % iti pasdek ti nabisita iti intero a rehiyon.
