LAOAG CITY – Inbatad ti Department of Public Works and Highways (DPWH) a tungpalen da ti pammilin ni Presidente Ferdinand Marcos Jr. nga isumitir ti listaan dagiti flood control projects.
Iti ambush interview kalpasan ti State of the Nation Address ni President Marcos, kuna ni Department of Public Works and Highways Sec. Manuel Bonoan nga amin dagiti proyekto ket na-audit a naimbag sakbay nga inawat ti gobierno.
Inpasingked pay ni Bonoan a monitoren amin ti ahensya dagiti agdama a flood control projects ken imbestigaren da no adda man ti napasamak nga anomalya.
Innayon na a regular ti panangisumitir da ti report ken ni Presidente Marcos iti kada proyekto ti ahensya.
Kuna na pay a ti disenyo dagiti amin a flood control projects ken naibasar iti plano.
Immuna iti daytoy, iti maikapat nga State of the Nation Address ni Presidente Marcos ket inbilin na iti Department of Public Works and Highways nga imbestigaren da dagiti napasamak a korapsyon kadagiti flood control projects.
