LAOAG CITY – Nagballaag ti Department of Public Works and Highways (DPWH) iti publiko kontra kadagiti agpampammarang a ni Secretary Vince Dizon.
Iti abiso ti Department of Public Works and Highways, adda dagiti indibidual a maipagarup nga agus-usar ti nagan ti sekretario tapno dumawat ti kuarta wenno pabor kasukat kadagiti transaksion iti ahensia.
Pammalagip ti ahensia, saan a mamati kadagiti tawag, mensahe wenno surat nga addaan ti kastoy a linaon.
Nagutigot ti publiko nga insigida nga i-report iti opisinada babaen ti hotline wenno email.
Inrakurak ti Department of Public Works and Highways, napateg ti kooperasion ken nadalus a panangidaulo iti ahensia.
