LAOAG CITY – Naarestar ti maysa a driver a maibilang a wanted person iti ili ti Sarrat.
Nabigbig ti suspek nga agtawen iti 37, naasawaan, awanan trabaho ken residente ti Brgy. San Guillermo iti ili ti San Nicolas.
Daytoy ket babaen iti bileg ti warrant of arrest nga inparuk-at ni Judge Marvin Galacgac ti Municipal Trial Court Sarrat-Vintar, Ilocos Norte gapu iti panaglabsingna iti reckless imprudence resulting to homicide ken serious physical injuries.
Naammoan nga adda ti 60 a ribu a pisos a nairekomendar para iti temporario a pannakawaywayana.
Kabayatanna, ti suspek ket karaman iti napasamak a desgrasia iti kallabes ken nagtalinaed iti pagbalodan.
