LAOAG CITY – Maysa ti natay iti panagdinnungpar ti maysa a kurung-kurong ken motorsiklo a MIO iti sangwanan ti simbaan iti paset ti Barangay Madamba idiay ili ti Dingras.
Binigbig ni Police Patrolman Charlie Oliver Corpuz, imbestigador iti PNP idiay ili ti Dingras ti natay a ni a ni Clarito Fabro, agtawen ti 60 ken residente iti Brgy. Puttao iti ili a Solsona idinto a ti driver ti motorsiklo ket ni Jezley Boy Merlas, taga Brgy. Daquioag iti ili ti Marcos.
Inbatad ni Corpuz a basar iti imbestigasyon da, agpalpalaud a direksyon da Fabro kadwa na ti asawa na nga agturong ditoy ciudad ti Laoag tapnu umay da aglako kadagiti buryas idi immagaw ti linya da Merlas a nangitunda iti panagdinnungpar da.
Kuna ni Corpuz nga intaray da a dagus ni Fabro iti ospital idiay ili ti Dingras ngem naideklara a dead on arrival gapu ta naitama ti muging na iti manibela ti kurong-kurong idinto a natukkol met ti saka ni Merlas.
Segun ken ni Corpuz, awan ti sinagaba a sugat ti asawa ni Fabro idinto a saan da nga ammo no adda ti sugat ti saanen a nabigbig pay nga inlubbon ni Merlas gapu ta nagpukaw daytoy kalpasan ti insidente.
Police Patrolman Charlie Oliver Corpuz
Rumrumuar a nakainom ti nasanger dagiti nakalugan ti motorsiklo.
