LAOAG CITY – Naiget a banbantayan dagiti kameng ti PNP ditoy ciudad ti Laoag ti paay-ayam a drop ball iti karnabalan kalpasan a naipasardeng ti operasyon na kalpasan nga inbutaktak ti Bombo Radyo Laoag.
Kageddan iti pannakaisardeng ti operasyon na, insigida met a naikkat dagiti cards, ken ti pagipisokan ti bola.
Maipalagip a naalaan ti Bombo Radyo Laoag iti video ti operasyon ti drop ball uray awan ti permit na rason a dagus a naipakaammo daytoy iti biang ti Business Permit and Licensing Office iti lokal a gobierno ditoy ciudad.
Naamoan nga idi met laeng naminsan a kalman a naited ti permit iti nasao a karnabalan.
Kabayatanna, naikkat payen dagiti dadduma a paay-ayam nga adda pannakainaig na iti sugal malaksid iti running light game.
