LAOAG CITY – Kinumpirmaran ni P/Lt Col Amador Quiocho, hepe ti PNP Laoag nga addan ti mandar ti PNP Regional Office a maipasardengen ti operasyon ti drop ball iti pagperyaan ditoy ciudad ti Laoag.
Naamoan a nabayagen nga agopoperar ti nasao a pagay-ayaman iti babaen ti rangtay ditoy ciudad.
Inlawlawag ni Quiocho a no apay a saan da nga inpasardeng ti operasyon ti nasao a paay-ayam ket gapu ta ti ammo da ket karaman daytoy iti permit nga inted ti lokal a gobyerno ditoy ciudad ti Laoag.
Nupay kasta, inpasingked ti BPLO a ti PNP iti mapan mangkita iti operasyon ti karnabal no masursurot met laeng dagiti pagalagadan a naiyetnag iti operasyon na.
Mainaig iti daytoy, kinumpirmaran ni Mrs. Chona Gantala, ti mangidadaulo ti BPLO nga idi laeng kalman a naited ti permit iti nasao a karnabal.
