LAOAG CITY – Maisagsaganan ti maipila a reklamo kontra ti subject ti search operation nga inwayat dagiti otoridad iti pagtaengan na idiay Brgy. Pangil iti ili a Currimao.
Nabigbig ti subject ti operasyon a ni Gerrald Paul Guiang y Guiang, agtawen ti 34, awanan a asawa ken residente ti nasao a barangay.
Nakumpiskar dagiti otoridad ti maysa nga sling bag a naglaon ti maysa a kalibre 45 a paltog, dua a magazine, 22 a bala ti kalibre 45, maysa a commoufladge bag a naglaon ti maysa a bala ti kalibre 40mm, 3 a bala ti kalibre 50, lima a bala ti 9mm, 4 a bala ti kalibre 38, maysa a rolyo ti white detonation cord, maysa a rifle grenade, dua a dadakkel a sachet nga addaan ti shabu residue, dua a sachet a naglaon ti maipagarup a shabu ken maysa a dakkel a sachet a naglaon ti maipagarup a shabu.
Maibilang nga high value target ni Guiang iti PNP.
