LAOAG CITY – Inpasigurado ti Department of Social Welfare and Development (DSWD) nga agtultuloy ti operasyon ita nga Holy Week uray naka-skeletal workforce manipod Abril 2 agingga iti Abril 3.
Agtalinaed a silulukat dagiti kangrunaan a serbisyo kas ti disaster response ken panagproseso ti Minors Traveling Abroad (MTA) permits, karaman ti helpdesk iti Ninoy Aquino International Airport a 24/7 a nakastandy-by para kadagiti biyahero.
Segun iti DSWD, temporaryo a maisardeng ti sumagmamano a programa kas ti AICS ken dadduma pay a cash aid services, nga agsubli iti operasyon intono Abril 6.
Inpasigurado met ti ahensya a naka-standby dagiti team da para iti aniaman nga emergency wenno problema.
