LAOAG CITY – Inpresentar ti Department of Social Welfare and Development (DSWD) ken ni President Ferdinand Marcos Jr. ti baro a mobile app a mangipalubos kadagiti benepisyaryo ti food assistance program ti gobierno a mangmonitor ti dietary consumption da ken maipaay iti government data no ania dagiti food items nga ad-adda a kasapulan dagiti pamilya a Pilipino.
Ti “Beneficiaries App” a pakakitaan dagiti users ti food consumption da ket makatulong tapno maplano da no ania ti sumaruno nga ipauneg da a taraon nga isu ti gatangen da.
Inbatad ni Department of Social Welfare and Development Secretary Rex Gatchalian Daytoy ket pagdur-asan ti automatized system ti “Walang Gutom: Food Stamp Program.
Kuna pay ni Gatchalian a babaen iti nasao nga aplikasyon ket makita ti eating habits dagiti marigrigat a pamilya a marigatan a gumatang kadagiti nasustansya a taraon nga ipauneg da iti inaldaw.
Innayon na a mabalin da pay nga i-share ti consumption data iti Department of Agriculture ken dadduma pay a food producing groups kas kadagiti kooperatiba tapno makita no ania dagiti sapsappuyuten dagiti pamilya a Pilipino.
Malaksid iti daytoy, matulungan pay dagiti maseknan no ania dagiti kasapulan nga imula da tapno saan a masayang ken masigurado a maidasar dagitoy iti lamisaan.
Mainaig iti daytoy, inpasigurado met ni Presidente Marcos iti publiko nga alisto laeng nga usaren ti baro nga application.
Immunan nga inrakurak ti Department of Social Welfare and Development nga ipangato da pay ti bilang dagiti benepisyaryo agingga iti 600 a ribo sakbay nga agngudo ti agdama a tawen.
