LAOAG CITY – Nagkiddaw ti Department of Social Welfare and Development iti nayun a pondo para iti cash aid program, tapno maalay-ayan ti problema iti pinansyal dagiti marigrigat a pamilya iti laksid ti panagngato ti presyo ti petrolyo ken commodities.
Segun kenni DSWD Assistant Secretary Rommel Lopez, kasapulan ti Department of Budget and Management (DBM) ken Department of Finance (DOF) a mangipaay ti nayun a pondo gapo ta ti agarop P10-billion fund a naiparuk-aten ket saan a makaumanay.
Inbatad na a kiniddaw da daytoy iti DBM ken DOF tapno maabot ti first tranche ken mairugi ti maikadua a bansada nga isu kuma ti maar-armiden ita a gundaway.
Maipalagip nga idi kalman inbatad ti DBM nga inaprubaran na ti pannakaiparuk-at ti P4.1 para iti second tranche ti P500 monthly cash aid.
Innayon ni Lopez a ti P6.1 billion a pondo ket naiparuk-at idi Hulyo.
