LAOAG CITY – Naripar ti Department of Trade and Industry (DTI) ti nababbaba a presio dagiti bagas nangruna kadagiti imported premium rice kadagiti tiendaan a rason a naragsakan ti departamento.
Inbatad ni Department of Trade and Industry Secretary Maria Cristina Roque, kadagiti naglabas a panagsursor ti opisinada kabinnulig dagiti opisial manipud iti Department of Agriculture (DA) nga ad-adu dagiti aglaklako latta ti P50-P60/kilo kadagiti tiendaan.
Gapu iti daytoy, naragsakan ti ahensia a sumursurot ken nababbaba pay iti naikeddeng a maximum suggested retail price (MSRP) a P45/kilo ti sumagmamano kadagiti retailers.
Kagiddan iti daytoy, inpasingked ni Roque nga agtultuloy ti monitoring ken enforcement iti umiso a presio dagiti bagas iti tiendaan iti intero a pagilian.
Naammoan a mangrugi inton sumaruno a lawas ti pannakaipaiget iti pannakaipatungpal ti maximum suggested retail price kadagiti basic commodities kangrunaanna iti bagas ken kadagiti produkto a baboy.
