LAOAG CITY – Manamnama ti panangrugi ti panangmonitor ti Department of Trade and Industry ti panaglako ti christmas lights kadagiti pasdek negosio ken merkado publiko.
Segun ken ni Ms. Amelia Galvez, Provincial Director ti Department of Trade and Industry, masapol a sumurotda kadagiti maipatpatungpal nga standard a klase ti produkto tapno saan dagitoy a mapatawan ti pannusa.
Inbatadna a basar iti nagbalin nga obserbasionda kadagiti naglabas a tawen ket naiget met a sumursurot iti pagannurutan dagiti aglaklako kadagiti nagduduma a klase ti christmas lights.
Kunana a rumbeng laeng a maammoan dagiti negosiante dagiti nasken a produkto a maipalubos nga ilakoda tapno maliklikanda nga aglabsing iti maikanniwas iti paglintegan.
