LAOAG CITY – Naarestar ti dua a kameng ti LGBTQ iti mismo a parlor a pagububraan da kalpasan a naisayangkat ti Anti-Illegal Drug Buy-Bust Operation iti Brgy. Garetta, iti ili ti Badoc.
Nabigbig dagiti suspek a ni Nelson Vertido, agtawen ti 50, beautician ken ni Jonathan Inofinada, agtawen ti 42, beautician ken agpada nga agnanaed iti Brgy. Garetta iti ili a Badoc.
Nakumpiskar manipud kadgiti suspek ti maysa a sachet a naglaon ti maipagarup a shabu ken maatap a napagango a bulong ti Marijuana a naipalaon iti long elongated plastic wrap a nailako iti police a nagpammarang kas poseur-buyer.
Nakumpiskar pay manipud iti suspek ti maysa ribu a pisos ken uppat a ribu a boodle money a nausar iti operasion.
Mainaig iti daytoy, naiget a naglikudan dagiti dua beautician nga aglaklako daytoy ti shabu ken marijuana no sadinno maipagarup a mannarimaan ti panagturog dagitoy idinto nga adda ti simrek iti uneg ti parlor.
Inlawlawagna a kabayatan a matmaturogda ket adda ti simrek a maysa a lalaki a maipagarup nga agpapukis.
Nupay kasta, inpalgakna a maipagarup a naipabulsa kadakuada ti maatap a shabu ken kwarta a nausar iti operasion.
Kabayatanna, maipalagip a barkada dagiti dua a beautician iti mismo a parlor ti maysa nga indibiudual nga agtawen ti 19, a kameng met laeng ti LGBTQ nga immunan a naarestar iti naisayangkat nga Anti-Illegal Drug Buy-Bust iti kallabes.
