LAOAG CITY – Natiliw dagiti dua a lallaki gapu iti panaglabsing da ti kaso a RA 10591 wenno Comprehensive Law on Firearms and Ammunition ken COMELEC Gun Ban idiay Brgy.25 Callaguip, iti ili ti Paoay.
Nabigbig dagiti suspek a da Rogelio Ladi y. Vergara, agtawen ti 52, naasawaan ken residente ti Brgy. Dardarat, Tagudin, Ilocos Sur ken Eusebio Pascua Delos Reyes, agtawen ti 62,naasawaan ken taga-Bolarit Gerona, Tarlac.
Segun ti imbestigasyon ti PNP-Paoay,naipadanun kadakuada ti impormasyon nga adda iti agsursur a maipagarop a dua a body guard dagiti pulitiko a naglugan ti motorsiklo ken maatap nga adda ti bitbit da a paltog.
Gapu iti daytoy, dagus a nirespondean dagiti kameng ti PNP ti nasao a banag ket dita a natiliw da dagiti nasao a suspek.
Narekobre dagiti pulis ti (1) Cal.38 a paltog, (5) a live ammo iti Cal.38 ken 1 cal .45 a paltog , (1) a magazine nga addaan ti 5 a bala ti cal. 45 .
Iti agdama, nagtalinaed iti kustudyar ti PNP-Paoay dagiti nasao a suspek ken maisagsaganan ti maipila a kaso kontra kadakuada.
