LAOAG CITY – Natay dagiti dua a lalaki a naglubbon iti motorsiklo kalpasan a nadesgrasya da iti Manila-North Road bisinidad iti Barangay 35, Billoca iti ciudad ti Batac.
Nabigbig dagiti biktima nga isuda Ferdinand Ancheta, agtawen ti 49, naasawaan, hallow blocks maker, driver ti motorsiklo, residente iti Barangay Caraitan iti ili ti Badoc ken ti inlubbon na a ni Ronald Manglal-lan, agtawen ti 44, naasawaan, mannalon ken residente iti Sitio Tungbol, Barangay Billoca iti ciudad ti Batac.
Iti inisyal nga imbestigasyon, agpapa-abagatan ti motorsiklo iti aksidente a napukawan ti kontrol ti driver a nangitunda ti pannakaidungpar da iti waiting shed.
Gapu iti kapigsa ti pannakaidungpar dagiti biktima ket nagsagaba da ti nakana a sugat kangrunaan na iti ulo da a nagresulta ti pannakatay da a dagus.
Naamoan nga agpada a nakainom ti arak dagiti nasao a biktima.
