LAOAG CITY – Agtultuloy ti imbestigasyon ti Philippine National Police (PNP) iti napasamak a pammaltog iti Brgy. Bugasi iti ili ti Banna.
Daytoy ti inbatad ni Police capt. Jackson Sugayen, ti chief of police iti ili ti Banna.
Binigbig na dagiti biktima nga isuda Irvic Coloma y Calastravo, agtawen ti 37, naasawaan, contractor ken ni Ricky Jay Pascua y Pido, agtawen ti 28, agpada dagitoy a residente iti Brgy.Bugasi iti nasao nga ili.
Iti inisyal nga imbestigasyon dagiti otoridad, nakalugan dagiti biktima ti motorsiklo ken idi sumrek da iti gate iti pagtaengan da ket adda ti kellaat a nangpaltog kadakuada a nakasugatan dagitoy.
Naitaray a dagus dagiti biktima iti Dona Josefa Edralin Marcos District Hospital iti ili ti Marcos para iti naan-anay a pannakataming da no sadinno nga iti agdama ket adda dan iti natalged a kasasaad.
Inpalgak ni Sugayen nga agpapan ita ket saan da pay a naestablisar ti kinatao ti suspek ken no ania ti motibo iti napasamak a pammaltog.
