LAOAG CITY – Nasugsugatan iti du a lalaki iti napasamak a desgrasya iti Brgy. 57 Pila ditoy ciudad ti Laoag.
Nabigbig dagitoy a da Jayson Anap, agtawen ti 27, awanan ti lisensya a nangiturong ti pampasahero a traysikel idinto a ti pasahero ket ni Jaime Anap, agtawen ti 37, residente ti Brgy 60-A, Caoacan ditoy ciudad.
Segun ti impormasyon ti PNP, bayat nga agpapaabagatan a direksyon iti barangay road d ket kellaat a naawanan ti kontrol ti manibela ti traysikel ni Anap a nangitunda ti pannakaidungpar da iti kayo.
Gapu ti daytoy, nagsagaba ti sugat ti nagduduma a paset ti bagi dagiti nasao a biktima ken dagus a naitaray da iti ospital ditoy ciudad para iti pannakataming da.
