LAOAG CITY – Nagsarili ti maysa nga estudiante kalpasan a nadesgrasia iti nagluganna a motorsiklo iti Rodolfo Fariñas Bypass Road iti Brgy. 57 Pila ditoy siudad ti Laoag.
Nabigbig ti biktima nga agtawen iti 17 ken residente ti Brgy. 34 Isic-Isic iti ili ti Vintar ngem agdama nga agnanaed iti Sitio Dungtal iti Brgy. 23 San Matias ditoy siudad ti Laoag.
Basar iti Laoag City Police Station, kabayatan a dumaldalyasat ti nakamotorsiklo nga agpa-amianan ket kellaat a napukawan ti kontrol ti manibela a nangitunda ti pannakatulidna iti kalsada.
Gapu iti daytoy, nagsagaba ti sugat ti biktima iti nagduduma a paset ti bagina a dagus a naitaray iti Gov. Roque B. Ablan Sr. Memorial Hospital.
Malaksid iti daytoy, adda pay ti maysa a napasamak a desgrasia iti paset ti Bacarra Road a nakamotorsiklo.
Iti agdama, agtultuloy pay laeng ti maiwaywayat nga imbestigasion maipanggep kadagiti dua a nagsina a desgrasia.
