LAOAG CITY – Natiliw dagiti uppat nga agpapaay iti light house iti Brgy. Bayog iti ili ti Burgos gapu ti panagsusugal da.
Daytoy ti kinumpirmaran ni Police Captain Sheryl Guzman, hepe ti PNP Burgos kalpasan a nakaawat da ti impormasyon.
Kuna na a dua a provincial guard ken dua met dagiti collector ti entrance fee dagiti karaman iti panagsugal.
Segun kenni Guzman, ti rason dagiti maseknan ket agsugal da no awan ti turista.
Nupay kasta, ti bukod da a kuarta dagiti nausar iti panagsusugal da.
Kabayatanna, inpakaammo ni Guzman a pepito ti inay-ayam dagiti maseknan idi nangiwayat da ti operasyon ken nakumpiskar ti 316 pesos a pusta, maysa a set ti baraha, tallo a tugaw, ken maysa a lamisaan.
Innayon ni Guzman nga agpapada nga empleyado iti gobyerno probinsyal dagiti natiliw a nagsusugal.
