LAOAG CITY – Natiliw ti maysa a lalaki babaen ti bileg ti dua a warrant of arrest idiay Barangay 7-B, Gomburza St. ditoy ciudad ti Laoag.
Nabigbig daytoy a ni Kristel Ceasar Aguinaldo, agtawen ti 23, baro ken residente met laeng iti nadakamat a barangay.
Ti maysa a warrant of arrest ket inparuk-at ni Hon. Judge Francisco Quilala iti RTC Branch 14 ditoy ciudad ti Laoag gapu ti kaso ni Aguinaldo a panaglabsing ti RA 9165 wenno Comprehensive Dangerous Drugs Act of 2002 idinto a ti warrant of arrest nga inparuk-at ni Hon.Judge Jose Ferril Jr. iti MTC-Bacarra gapu ti kaso na nga Obstruction of Justice.
Nairekomendar ti piyansa ni Aguinaldo a 200 ribo a pisos para ti temporaryo a pannakawaya-waya na iti kaso na mainaig iti illegal a droga idinto a ti kaso na nga obstruction of justice ket 12 ribo a pisos.
