LAOAG CITY – Pimmusay dagiti dua a tattao ken dua ti adda iti kritikal a kondisyon iti napasamak a desgrasya idiay Barangay Ablan, Burgos, Ilocos Norte idi malem ti Martes, Mayo 14.
Nabigbig dagiti natay a da Ricardo Peralta ken ti agtawen ti innem a menor de edad nga anak ni Mary Grace Maderazo idinto a ti kritikal ti ina a ni Florida ken ti ikit na a ni Marie.
Segun kenni Police Captain Sheryll Guzman, ti chief of police ti PNP-Burgos, naggapo dagiti biktima idiay ili ti Pagudpud ken agawid da kuman idi napasamak ti insidente.
Basar iti imbestigasyon dagiti otoridad, nakaturog ti driver a ni Cesar Oaquera rason a napan iti sabali a linya ti nagluganan da ken naidungpar iti railings ti rangtay.
Naamoan a ni Oaquera ken Marie ket agnobyo ken dandani dan agkasar.
Rumrumwar a saan pay a nagpakita ti driver kalpasan ti napasamak ken posible a sumango iti reklamo a reckless imprudence resulting in homicide and damage to property.
