LAOAG CITY – Naragsak dagiti dua nga atleta ti Ilocos Norte kalpasan a nagun-od da ti Silver Medal iti Floor Exercise sa Gymnastics iti manarimaan a Palarong Pambansa 2017 idiay probinsya ti Antique.
Daytoy ket da Angela Grace Samsam, Grade 3 pupil ti Catalino Acosta Memorial Elementary School iti siudad ti Batac kenni Lyn Anne Pablo, Grade 6 pupil ti Hillario Valdez Elementary School iti nasao a siudad.
Segun kenni Angela, nangato ti nagbalin a kompiyansa na a makagun-od ti medalya gapu ta kaya na nga artapan ti nagbalin a performance dagiti kinalaban na.
Inbatad met ni Lyn Anne a maikaduan a daras a nakisalip iti Palaro ngem ita laeng a nakagun-od ti medalya.
Kabayatanna, inpanakkel dagiti nagannak da kasta metten kenni Mrs. Marlyn Biculen, coach da Angelie kenni Lyn Anne.
Innayon ni Biculen nga adda ti displina dagiti dua iti panagsanay rason a nagun-od da ti Silver Medal.
