LAOAG CITY – Nagdinnungpar dagiti dua a motorsiklo iti Ablan avenue corner Gen. Luna street iti Brgy. 5 ditoy siudad ti Laoag.
Gapu iti daytoy, nasugatan dagiti dua a driver nga agpada nga estudyante ken maipagarup nga adda da iti impluwensya ti nasanger.
Nabigbig ti driver ti Mio Soul I a ni Jonathan Pascua y Laburte, agtawen ti 18, baroi ken residente iti Brgy. Peralta iti ili ti Dingras ken ti driver ti Wave 125 S a ni Mark James Tolentino y Quintos, agtawen ti 19, residente iti Brgy. 3 ditoy siudad
Basar iti PNP Traffic Division, bayat nga agpadpadaya a direksiyon ni Pascua iti General Luna street ket maipagarup a saan na sinurot ti Full Stop sign ket dita a nakadinnungpar na ti motorsiklo nga inturong ni Tolentino iti tengnga ti crossing.
Gapu iti daytoy, nagdaringungo ni Pascua ken maipagarup a narumek ti agong na.
Maiyur-uray ti resulta ti X-ray examination iti agong ni Pascua.
