LAOAG CITY – Napilaanen ti kaso a panagtatakaw dagiti dua a lallaki kalpasan nga intaray da dagiti pito a florescent bulb ken cooler iti maysa a pagtagilakoan idiay Barangay 7-A, ditoy ciudad ti Laoag.
Nabigbig dagiti suspek a da Librada Agustin, residente iti Barangay Laureta iti ili ti Solsona ken ni Freedy Duldulao, naasawaan ken residente iti Barangay 44, Zamboanga ditoy ciudad ti Laoag idinto a ti agtagikua ti pasdek negosyo ket ni Juvy Flores y Eras, agtawen ti 41, residente iti barangay 7-A, Laoag City.
Segun ti report, dagiti dua a suspek ket dati nga agup-upa iti bakante nga store a kukua ti biktima iti nasao a barangay idi Nobyembre 14 ken pimmanaw da idi Dsiyembre 21 itay napan a tawen.
Naamoan nga idi timmalaw da iti panagup-upaan da ket inraman na nga innala dagiti pito a florescent bulbn ken maysa a cooler.
Agpapan ita ket saan pay a naisubli iti biktima dagiti kagamitan nga intaray dagiti nasao a suspek.
