LAOAG CITY – Napasamak ti pammagkong ti national highway ti paset ti Barangay 16, San Marcos, San Nicolas, Ilocos Norte.
Nabigbig dagiti biktima a da Redelito Ulep, agtawen ti 19, baro, maysa a construction worker ken ni Mark Adrian Brioso, agtawen ti 20, baro, driver ken agpada dagitoy a residente ti nasao nga ili.
Segun ti report, bayat ti panagpapa-amyanan a direksyon dagiti biktima ti nasao a lugar a nakalugan ti dua motorsiklo a motorsiklo ken adda pay ti sumagmamano a kakadwa da ket adda ti nangbakal kadakuada.
Gapu ti daytoy ket nagsardeng ken bimmaba dagiti maseknan ket naaddaan da ti nabara a diskusyon kadagiti saan pay a nabigbig a suspek a nangitunda ti panagkakabil da.
Naamoan a ditoy metten a nangirwar ti maysa a suspek ti kutsilyo ket binagkong na ti likud ni Ulep ken buksit ni Brioso.
Naitaray dagiti biktima ti Governor Roque Ablan Senior Memorial Hospital ditoy ciudad ti Laoag no sadinno a ni Brioso ket nakarwar met laeng a dagus idinto a ni Ulep ket nagtalinaed ti ospital.
