LAOAG CITY – Idauloan ni House Speaker Ferdinand Martin Romualdez ti maysa nga alisto nga imbestigasion maipanggep iti dumakdakkel a gidyat ti farmgate ken retail prices ti bagas ken dadduma pay a basic goods apaman nga agsublida iti sesyon ti House of Representatives inton Lunes.
Kagiddan met daytoyen ti panagtataripnong da Romualdez ken Deputy Majority Leader Erwin Tulfo kadagiti nangibagi kadagiti producers, retailers ken grocery stores no sadino naglikudanda a nangipatungpalda ti substantial price changes.
Iti nasao a taripnong, dinakamat ni Jayson Cainglet ti Samahang Industriya ng Agrikultura (SINAG) iti Speaker a ti farmgate prices ti bagas, poultry, pork ken pati sibuyas ket nagtalinaed iti napalabas a tallo a bulan tapno saan a maaddaan ti panagngato ti presio kadagiti nasao nga items.
Inpasigurado met ni Romualdez kadagiti producers ken retailers nga imbestigaren ti Kamara ti nasao a price discrepancy.
