Inbatad ni PMaj. Lauro Milan, ti mangidadaulo ti Provincial Administrative and Resource Mananagement iti Ilocos Norte Police Provincial Office a dumalen dagiti amin a kameng ti PNP iti swab test.
Daytoy ket pakaibilangan ti 970 a kameng ti PNP-Ilocos Norte ken 100 a Non-Uniformed Personnel (NUP).
Kuna ni Milan a 150 a pulis ti dumalan ti swab test iti kada lawas iti Mariano Marcos Memorial Hospital and Medical Center (MMMH&MC) iti siudad ti Batac.
Mainaig iti daytoy, inpakaamo na a negatibo amin ti resulta dagiti immunan a dimmalan iti nasao a test.
Manganamnama ni Milan nga agnegatibo met amin ti resulta dagiti sumaruno a dumalan iti swab test.
