LAOAG CITY – Inrakurak ni dati a Presidente Rodrigo Duterte nga awanen ti nasken nga ipalawagna maipanggep iti drug war iti babaen ti administrasionna ken maipagarup nga awan ti umdas a kuartana tapno agturong idiay Manila tapno sumango iti imbestigasion ti Quad Committee ti House of Representatives (QuadComm).
Daytoy ket iti baet ti rakurak ni Surigao del Norte Rep. Ace Barbers, Lead Chairperson ti QuadComm a saan a kitkitaen dagiti panel nga agisyu ti subpoena ken ni Duterte gapu iti paulit-ulit a panagkedkedna iti imbitasion ti komite.
Immunan a sinita da Reps. Benny Abante ti Manila ken Stephen Paduano ti Abang Lingkod Party-list ni Duterte iti saanna a panagatendar iti panagdengngeg idi Huebes nupay immunan nga inbatadna nga agatendar isuna kalpasan ti Nobiembre 1.
