LAOAG CITY – Naglippasen ti panagay-ayam ni Pinay tennis star Alex Eala iti Madrid Open idiay Spain.
Daytoy ket kalpasan nga inabak isuna ni world number 2 Iga Swiatek iti iskor a 4-6, 6-4, 6-2.
Naaramid pay a maitabla ni Eala iti 4-4 iti maikadua a set ngem pinaneknekan ni four-time French Open champion iti kinapigsana iti clay court.
Iti panagserrek ti desiding set ket nakalamang nga insigida ti Polish player a 3-0 agingga a nakamat ni Eala 3-1.
Nupay kasta, saanen nga inpalubos ni Swiatek ken naan-anay nga inabakna ti Pinay tennis star.
Ibilang ni Swiatek a rematch-na ti laban ken ni Eala gapu ta inabak isuna iti quarterfinals ti Miami Open iti napalabas a bulan.
