LAOAG CITY – Inbatad ti World Health Organization (WHO) a mabalin nga umabot pay agingga iti siyam a bolan sakbay a naan-anay a nakasagana ti bakuna kontra iti Ebola virus.
Segun ken ni World Health Organization advisor Dr. Vasee Moorthy, maar-aaramid ti dua a possible a “candidate vaccines” kontra iti Bundibugyo species ngem saan pay a naan-anay a dimmalan iti clinical trials.
Immunan nga inrakurak ni World Health Organization chief Dr. Tedros Adhanom Ghebreyesus nga addan ti 600 a suspected cases ti Ebola ken 139 dagiti pimmusay, ngem possible a ngumato pay ti bilang gapu ta narigat a ma-detect ti virus.
Maipalagip nga idi Domingo, indeklarar ti World Health Organization ti public health emergency kas international concern, ngem nailawlawag a saan nga adda iti pandemic level.
