LAOAG CITY – Agtalinaed ti sumagmamano nga aldaw idiay Dubai ni Pinoy pole vaulter EJ Obiena.
Inbatad ti adviser ken benefactor-na a ni Jim Lafferty a planoenda a naimbag ti umas-asidegen nga outdoor season.
Iti naglabas a pito a kompetision a nakipasetan ti agtawen ti 29 a ni Obiena iti panangrugi ita a tawen ket saan daytoy a naka-clear ti 5.80 meters.
Ti kaudian ket iti napalabas a lawas iti Mondo Classic a maysa nga indoor event no sadinno iti 10 a nakipaset ket nagbalin a maikawalo laeng daytoy.
Iti sumaruno a laban daytoy ket ti Diamond League a maisayangkat idiay China a maysa daytoy nga outdoor event.
Kuna ni Lafferty a gapu iti injury iti likud ni Obiena ket saan unay daytoy a nakaensayo a nasayaat sakbay ti sumagmamano kompetision a naiwayat.
Gapu iti nakapsot nga indoor performance daytoy ket kinissayanna laengen ti pannakipasetna iti daytoy nga imbes ket agpokus iti outdoor competition.
