LAOAG CITY – Saan a nagbalin iti aktor a ni Elijah Canlas ti pagsasao a “love is sweeter the second time around.”
Daytoy ket kalpasan a kinumpirmaran na a nagsina dan iti aktres a ni Miles Ocampo.
Inlawlawag na a nagtulagan da a naimbag ken ni Miles ti panagsina da iti maikadwa a gundaway.
Kuna ti aktor a nasaksakit ti panagsina da ken ni Miles ti maikadwa a gundaway gapu ta ninamnama da nga isudan ti agkatuluyan.
Saanen nga indetalye ni Elijah no ania ti nagsinaan da Ken ni Miles ngem inpasigurado na nga awan ti third party iti panagsina da.
Maipalagip nga immuna a nagsina dagiti dua idi Nobyembre 2023 ngem kalpasan laeng ti sumagmamano a bolan ket nagsinublianan da metlaeng.
Inpakaammo ni Elijah nga iti maikadwa a gundaway a panagsina da Ken Miles ket isun ti maudi gapu ta naminpinsanen a tinuldukan da ti relasyon da.
