LAOAG CITY – Inpetteng ti aktres a ni Ellen Adarna a saan da nga inlimed iti asawa na a ni Derek Ramsey ti panagsikog na iti umuna nga anak da a daytoy ket maysa a baby girl.
Inbatad ni Ellen nga ammo amin dagiti papagayam ken nasinged kadakuada ken ni Derek ti panagsikogna.
Kuna na pay nga awan ti rason tapno aramiden da daytoy nga agasawa gapu ta saanna a kayat ti surpresa.
Innayon na a kas pammaneknek ket tunggal rumuar da idi ket naka-crop top daytoy uray dakkelen ti buksitna.
Inpaganetget ti aktres a kayat na laeng ti naulimek ken natalna a panagsikog.
Ni Ellen ket adda ti maysa nga anak na iti dati a nobyo na a ni John Lloyd Cruz kasta met kenni Derek iti dati a partner na.
Maipalagip a nagkasar da Ellen ken Derek idi Nobyembre 2021, ken Disyembre 2023 idi inwaragawag ti aktor a naalisan ti asawa na.
