LAOAG CITY – Umaboten iti 188 a porsiento ti kapasidad ti Emergency Room ti Ospital ti Manila Medical Center idi kalman ti rabii, Nobiembre 15 gapu iti panagsangpet dagiti pasiente nga agkasapulan ti tulong medikal.
Gapu iti daytoy, inpakaamo ti nasao nga ospital iti publiko nga agturongda pay laeng iti sabali nga ospital nga adda ti kabaelanna nga agokomodar ti kanayunan pay a pasiente tapno maliklikan ti nabayag a panagur-uray iti Manila Medical Center .
Kabayatanna, sisasagana met dagiti ambulansia ti Manila City Disaster Risk Reduction and Management Department para iti posible a pannakaiyakar kadagiti pasiente iti sabali nga ospital.
