LAOAG CITY – Natiliw ti maysa nga empleado iti kapitolyo probinsyal babaen ti nagtitipon a pwersa ti Provincial Special Enforcement Team iti Ilocos Norte Police provincial Office (INPPO) iti panangidaulo ni Police Lt. Tolentino Erum, kasta pay ti TAC 1-INTPU, PIU-INPPO, INTPU, 101st MC, RMFB1, 144 Special Action Company/14 Special Action Batallion, Dumalneg MPS ken Laoag CPS.
Ti suspek ket agtawen ti 54, naasawaan, ken residente iti Brgy 52-A San Mateo ditoy ciudad ti Laoag.
Segun ken ni Erum, natiliw ti suspek babaen ti bileg ti maysa nga Alias Warrant of Arrest a napetsaan ti Pebrero 11, 2014 nga inparuk-at ni Hon. Judge MANUEL L ARGEL JR. iti RTC 16, ditoy ciudad ti Laoag gapu iti kaso na a panaglabsing ti Republic Act (RA) 8282 wenno ti SSS LAW.
Nairekomendar ti 24 a ribo a pisos a piyansa ti suspek para iti temporaryo a pannakawaya-waya na.
