LAOAG CITY – Nagsaritan ni Engr. Rizal Santos, empleyado ti Egineering Office ditoy ciudad ti laoag mainaig iti reklamo a naipadanon ditoy Bombo Radyo.
Daytoy ket pakaseknan iti kontrata a sinerkan na iti pannakatarimaan ti maysa a building iti Bgy. 20 a kukua ti agnagan iti Joselito De Guzman a maipagarup a saan pay a nalnalpas ket addan 2 a million a pisos ti maipagarup a nagatos.
Daytoy ket kalpasan nga naipaima kenkuana ti resulta ti kaso administratibo nga inparuk-at ti Disiplinary and Separation Board.
Basar iti desisyon, reprimand laeng ti naipataw a pannusa ken ni Santos gapu iti pananglabsing na ti Rule 10, section 50 ti 2017 rules on administrative cases ti Civil Service wenno saan a nagpakada iti umiso nga otoridad idi nakikontrata ken adda conflict of interest gapu ta amaysa isu na kadagiti agapirma iti building permit.
Segun kenni Santos, napilitan laeng nga nagperma iti kontrata gapo ta kulkuliten ni De Guzman.
Kunana nga ammo na met nga empleyado isu na ti gobyerno ken nagkaeskuwelaan da pay iti kolehiyo ngem inpilit na ti nagpapirma.
Mainaig iti daytoy, naglikudan ni Joselito De Guzman ti alegasyon kenkuana ni Engr. Rizal Santos.
Segun ken ni De Guzman, ti nagbalin nga “approach” ni Santos kenkuana ket no kayat na ti ididiaya na weno saan.
Inpetteng na nga isuna ti nagtalek iti inhinyero nga malpas na matarimaan ti pasdek na iti naituding nga oras a nagsaritaan da ngem saan nga nalpas.
Mainaig iti daytoy, nagpanawagan ni De Guzman iti publiko a saan a sumrek iti kontrata nga adda pannakainaig ti empleyado ti gobyerno tapnu saan nga maitulad iti nagapadasan na.
