LAOAG CITY – Dinayaw ni United States President Joe Biden ti desision ti Egypt a temporario a palubusanda iti Kerem Shalom crossing dagiti humanitarian aid nga agturong iti Gaza.
Daytoy ti nagbalin a linaon ti panagsinnarita iti telepono ni Biden ken ni Egyptian President Abdel Fattah Al-Sisi a palubusan ti maminsan manen a pananglukat iti abagatan iti Rafah crossing.
Basar iti White House, ti nasao nga addang ket matulungan dagiti naruay a residente iti Gaza a maip-ipit iti riribuk.
Naammoan a ti Rafah ti kangrunaan nga entry point para iti humanitarian relief ken sumagmamano a commercial supplies sakbay a napaigetan ti Israel ti military offense ken makontrol ti nasao a crossing manipod iti paset ti Palestino.
