LAOAG CITY – In-veto ti Estados Unidos ti draft United Nations Security Council resolution para iti immediate, unconditional ken permanent ceasefire iti Gaza ken ti panangikkat ti Israel kadagiti amin a restriksyon iti aid deliveries iti Palestinian enclave.
Nakalanad pay iti nasao a resolusyon babaen kadagiti 10 a miembro iti 15-member council ti pannakawaya-waya dagiti amin nga hostages ti Hamas ken dagiti dadduma a grupo.
Nakaala met ti 14 a butos pabor iti resolusyon ngem daytoy met ti maikanem a daras nga in-veto ti Amerika iti Security Council mainaig iti nasuroken a dua a tawen a gubat iti nagbaetan ti Israel ken Palestinian militants Hamas.
Inbatad ni Denmark’s UN Ambassador Christina Markus Lassen sakbay ti panagbutos da a kumpirmado a kumarkaro ti panagbisin iti Gaza.
Kunana nga inpalawa pay ti Israel ti military operation na iti Gaza City nga isu ti mangpakpakaro ti sitwasyon dagiti sibilyan. Kas resulta iti inawagan na a catastrophic situation, humanitarian ken human failure ket nasken nga addan ti addang nga aramiden da.
