LAOAG CITY – Inabisoan ti Estados Unidos ti India ken Pakistan nga agsarita tapno saanen a kumaro pay ti tension.
Adda ti pakainaiganna iti napasamak a militant attack iti Kashmir region iti napalabas a lawas a nakatayan ti 26 a sibilian.
Indauloan ni United States Secretary Marco Rubio ti nagsina a pannakisarsaritana iti Foreign Minister ti India ken Prime Minister ti Pakistan.
Daytoy ket kalpasan nga ak-akusaran ti India ti Pakistan a supsuportaranda ti militants nga isu ti responsable iti panangraut iti ili ti Pahalgam idi Abril 22.
Naiget met a naglikudan ti Pakistan daytoy nga alegasion ti India.
Naammoan a sipod nangrugi ti riribuk ket pinaigetan ti dua a pagilian ti border dagitoy.
Pinawilan pay ti India iti airspace-da dagiti eroplano ti Pakistan.
