LAOAG CITY – Inrakurak ti Estados Unidos nga awan ti ammoda iti panagbettak dagiti pager ti Hezbollah.
Segun ken ni State Department Spokesman Matthew Miller nga awan ti pakainaiganda iti napasamak nga insidente.
Kunana nga agtultuloy nga am-ammoenda no kasano ken asino dagiti adda iti likudan ti panagpabettak.
Ginutigotna ti Iran a saan a gundawayan ti insidente ken adalen pay laeng nga umuna no asino ti rumbeng a mapagsungbat.
Maipalagip nga adda ti siam nga indibidual ti pimmusay ken rinibu ti nasugatan gapu iti panagbettak ti pager device.
