LAOAG CITY – Inpannakkel ni United States Secretary of Defense Pete Hegseth a maab-abakdan ti Iran.
Inbatadna nga iti tulong ti Israel ket makita a kumapkapsoten ti iwaywayat a panangatake ti Iran.
Kunana a kadagiti sumarsaruno nga aldaw ket naan-anayen a makontrolda ti airspace ti Iran.
Inlawlawagna a sipud idi rautenda ti Iran ket tinargetda dagiti pagaramidan ti missiles ti nasao a pagilian.
Iti nagtipon a puersa ti Estados Unidos ken Israeli Defense Force ket ad-adda a kumaro ti kinalawa ti pannakadadael idiay Iran.
Naammoan a manamnama a sumangpeten dagiti suldado ken laser guided precision gravity bombs tapno naan-anay a mapasardeng ti Iran iti panangatake.
Ginandat ti Iran a tamaanda ngem napaay dagitoy.
