LAOAG CITY – Inrakurak ni United States President Joe Biden nga adda dagiti baro nga armas a maawat ti Ukraine gapu iti agtultuloy a panangraut nga iwaywayat ti Russia.
Iti panagbitla ni Biden nga agbalin nga host ti Estados Unidos iti North Atlantic Treaty Organization (NATO) summit.
Inbatadna a kadua ti Estados Unidos ti Germany, Netherlands, Romania ken Italy ti mangipaay ti kanayunan nga armas iti Ukraine.
Makadanon iti Ukraine ti nayun a tactical air defence systems inton sumaruno a bulan.
Ti nasao a rakurak ket maysa nga aldaw kalpasan a natamaan ti missile ti Russia ti maysa a balay-pagagasan dagiti ubbing iti Kyiv a nakatayan dagiti naruay a tattao.
